Ashgabat!

8 dagar i Ashgabat, kjaerleikens by. Eller kanskje heller marmorbyen, her riv ein nemleg alle eldre bygg og byggjer hus dekka med marmor i staden. Mange inntrykk, dei fleste ganske positive. Saa langt er det kanskje arkitekturen som gjer sterkast inntrykk, ikkje berre positivt maa eg seia. Men jamen er dette ein overgang fraa Sudan!Presidenten sitt kontor, eller palass heiter det kanskje? Til venstre og bak, 'solsikka', sjaa forklaring lenger ned. Eg er framleis ikkje heilt sikker paa om det er lovleg aa fotografera, difor saa mykje gate i forgrunnen - har ikkje tid til aa 'sikta' foer eg trykkjer av.

Eit langt steg fraa konteineren min i Kapoeta til dette huset. Fraa i dag bur eg her, nesten oevst til venstre, med ein fantastisk utsikt over sentrum av byen.

Universitetet, tvers over gata fraa hotellet der eg har budd til no. Like ved riv dei eit gammalt, godt hus med husvaere, sikkert for aa gje plass til fleire marmorpalass med gullkuplar.

Den beroemte, eller berykta, statua der gamlepresidenten i gull paa toppen snur seg med sola. Paa folkemunne kalla 'solsikka'. Ein liten kabelbane gaar fraa gata og halvveis opp, deretter kan ein gaa opp til taerne hans. Statua skal visstnok flyttast, men ingen skjoenar korleis det skal gjerast reint teknisk. Saa kanskje ho blir staande...