Folk fraa Dinka-stammen fascinerer og forundrar meg stadig. Dinkane er vakre, hoege, slanke. Om eg var yngre, og ugift, ville eg ha valgt meg ein Dinka mann, trur eg. Iallefall om eg berre gjekk etter utsjaanad og kropp. Men det gjer eg jo ikkje, og eg innser at det hadde vore vanskeleg aa svelgja kvinnesynet deira. " Ei kvinne er ei vare", seier ein Dinka-kjenning. "Prisen er avhengig av fleire ting, om kvinna t.d. er hoeg kan du maatta gje meir enn 200 kyr for henne". "Ikkje spel med borna eller konene vaare, dei har kosta oss mange kyr", sa den hoegaste av dei hoege politikarane daa han tala til utanlandske soldatar for ei stund sidan.
I Toposa-land er konene billegare enn i Jonglei, og den hoegste brureprisen maa ein ut med i Bahr el Ghazal (der skal jentene visstnok vera hoegare enn i andre statar). Dei gjevaste oksane om ein skal kjoepa seg kone, er dei dropla. Dei kvite oksane brukar ein til ofring ved seremoniar, ikkje til brurebetaling. Mens det er lov aa spoerja kor mange koner ein mann har, er det absolutt ikkje akseptabelt aa spoerja kor mange born, eller kor mange kyr, ein mann har.
Dette, og meir til, har eg laert i loepet av dei siste to vekene, mens eg har reist saman med representantar fraa styresmaktene, og andre. Ein annan av mine Dinka-kjenningar har ein sentral posisjon i regjeringssystemet, er utdanna, har vit og fornuft, er gjennomtenkt i alt han seier, og er i tillegg noksaa uformell, saa eg torer aa gaa litt vidare i samtalen: "Men du maa vel gaa med paa at dette brurekjoepssystemet etterkvart fortener aa bli lagt paa hylla? Naar trur du de kjem til aa kvitta dykk med slike ordningar?" " Aldri", svarar han.
1 kommentar:
Hei,
Ettersom jeg bodde 2 år i Torit før borgerkrigen brøt ut var det interessant å lese litt om hvordan det er i Sør Sudan for tiden. Var også ofte i Mogot nord for Kapoeta der min far jobbet som byggmester for Kirkens Nødhjelp. Vet du noe om hvordan det er i Torit nå ? Er det noe igjen av Hilieu hvor den norske kolonien bodde ?
Legg inn en kommentar